З такой заявай на брыфінгу для журналістаў у Вашынгтоне выступіла ў пятніцу прадстаўнік дзяржаўнага дэпартамэнту ЗША Джэн Псакі, перадае з Вашынгтона карэспандэнт Радыё Свабода.
Адказваючы на пытаньне, ці згодны Злучаныя Штаты з заклікам Нямеччыны вызваліць Мурсі, Псакі сказала: «Мы з гэтым згодны». Гэта першая афіцыйная заява Вашынгтону, прысьвечаная лёсу дэмакратычна абранага прэзыдэнта Эгіпту.
Мухамед Мурсі быў адхілены ад улады эгіпецкімі вайскоўцамі і ўзяты пад варту 3-га ліпеня. Дзе менавіта ён утрымліваецца, невядома.
На брыфінгу для журналістаў Джэн Псакі пацьвердзіла таксама, што амбасадар ЗША ў Эгіпце Эн Паттэрсан ўжо сустрэлася з часовым прэзыдэнтам гэтай краіны Адлі Мансурам.