За каго б вы галасавалі, калі б апынуліся зноў на прэзідэнцкіх выбарах-1994? 143
20 ліпеня спаўняецца 19 гадоў, як Беларусь набыла прэзідэнта — як высветлілася, адзінага і нязменнага на доўгія гады.
Карэспандэнты БелаПАН звярнуліся да мінчан з пытаннем: «За каго б вы галасавалі, калі б апынуліся зноў на выбарах прэзідэнта 1994 года?»
У 1994-м большасць выбаршчыкаў краіны спыніліся на былым дырэктары саўгаса са Шклоўскага раёна Магілёўскай вобласці, маладым задзірлівым дэпутаце Вярхоўнага Савета, якога называлі знішчальнікам карупцыі, — Аляксандру Лукашэнку. Тады ён выйграў у такіх кандыдатаў-«цяжкавагавікоў», як Вячаслаў Кебіч, Станіслаў Шушкевіч, Зянон Пазняк Многія беларусы мяркуюць, што тыя прэзідэнцкія выбары былі першымі і (пакуль) апошнімі сумленнымі выбарамі кіраўніка дзяржавы.