БТ, 21.40
Фанатык / High Fidelity
Вялікабрытанія – ЗША, 2000, каляровы, 113 хв.
Рэжысэр: Стывэн Фрырз
Ролі выконваюць: Джон К’юсак, Ібэн Яйль, Кэтрын Зэта-Джонз, Тод Луізо, Джэк Блэк, Ліза Бонэт, Джаан К’юсак, Цім Робінз, Лілі Тэйлар, Брус Спрынгстын
Жанр: Камэдыя паводле раману Ніка Горнбі
Прызы: Прэміі амэрыканскіх гукарэжысэраў за найлепшую музыку, намінацыі на прэміі MTV, “Грэмі”. Намінацыя на “Залаты глёбус” за найлепшую мужчынскую ролю (Джон К’юсак)
Роб – фанатык сваёй справы. Але ён ня шпег і не круты бізнэсовец, а просты ды-джэй – і дробны музычны гандляр. Аднойчы ад яго са скандалам сыходзіць дзяўчына.
Роб бярэ паўзу – і спрабуе знайсьці фальшывую ноту ў сваім жыцьці, узгадваючы кожны свой любоўны раман.
Брытанскі майстра Стывэн Фрырз сьплёў сваю дасьціпную кінакамэдыю зь пяці навэляй, аб’яднаных адным сюжэтам. У фільме гучыць вядомая рок і поп-музыка.
