У суседнюю Польшчу прыйшла вялікая спёка. У нядзелю ва Уроцлаве і Познані будзе +35, у Лодзі і Кракаве — +34, Варшаве — 32.
«Найхаладней» на паўночным усходзе Польшчы (у Беластоку — +29), а таксама на самым поўдні — у горным Закапаным (+29).
Паліцыя папярэдзіла: не пакідайце дзяцей у закрытым аўтамабілі. Дастаткова 15 хвілін і з дзіцем можа здарыцца бяда.
Таксама варта памятаць: хто сярод дня, ад 10:00 да 16:00 выйшаў з будынка, то павінен заставацца ў цені. У спёку трэба піць шмат вады і фруктовых сокаў.
У Беларусі ў нядзелю будзе найгарачэй у прымежных з Польшчай раёнах: сіноптыкі прагназуюць у Брэсце +31. У Мінску чакаецца каля +24.У панядзелак і аўторак слупок тэрмометра ўздымецца на два градусы вышэй.