БДУ: прахадны бал на «міжнароднае права» склаў 388 балаў 8

Як паведамляе прэс-служба ВНУ, на біялагічны факультэт залічана 155 абітурыентаў, уключаючы васьмярых пераможцаў рэспубліканскіх алімпіяд. Самы высокі прахадны бал на факультэце зафіксаваны на спецыяльнасці «біяхімія» — 304 (у 2012 годзе — 292). Для паступлення на спецыяльнасць «біяэкалогія» неабходна было набраць 262 балы (у 2012 годзе: 266 — для гараджан, 237 — для выпускнікоў сельскіх школ).

Студэнтамі факультэта міжнародных зносін сталі 88 абітурыентаў, у тым ліку 15 пераможцаў міжнародных алімпіяд.

Найвышэйшы прахадны бал назіраўся на спецыяльнасці «міжнароднае права». Ён склаў 388

(у 2012 годзе: гарадскі — 374, сельскі — 287). Каб паступіць на «мытную справу», неабходна было набраць 323 балы (у 2012 годзе — 336).

На факультэт прыкладной матэматыкі і інфарматыкі залічана 278 абітурыентаў, у тым ліку 43 пераможцы рэспубліканскіх алімпіяд.

Найвышэйшы прахадны бал зафіксаваны на спецыяльнасці «актуарная матэматыка» — 366 балаў

(у 2012 годзе — 345), найменшы — на «прыкладной матэматыцы» — 325 (у 2012 годзе — 283).

На факультэт філасофіі і сацыяльных навук прынятыя 54 першакурснікі, уключаючы аднаго пераможца рэспубліканскай алімпіяды.

Максімальны прахадны бал зафіксаваны на спецыяльнасці «сацыяльныя камунікацыі» — 350 (у 2012 годзе — 364),

мінімальны — на спецыяльнасці «псіхалогія»: 306 — для выпускнікоў гарадскіх школ, 281 — для сельскіх (у 2012 годзе агульны прахадны бал склаў 291).

Студэнтамі дзённага бюджэтнага аддзялення хімічнага факультэта сталі 140 чалавек, сярод якіх 16 пераможцаў рэспубліканскіх алімпіяд. Найболей высокі прахадны бал на факультэце назіраўся на новай спецыяльнасці, што ўведзена сёлета, «хімія лекавых злучэнняў»: 336 — для гарадскіх жыхароў, 205 — для сельскіх. Самы нізкі прахадны бал на факультэце зафіксаваны на кірунку «хімія (навукова-педагагічная дзейнасць)» — 276 (у 2012 годзе: 267 — для гараджан, 234 — для сельскіх жыхароў).

Філалагічны факультэт сёлета прыняў 80 абітурыентаў. Прахадны бал на кірунку «ўсходняя (кітайская) філалогія» склаў 330 (у 2012 годзе — 311), на спецыяльнасці «класічная філалогія» — 301 (у 2012 годзе набор не ажыццяўляўся).

На фізічны факультэт залічаныя 160 абітурыентаў, у тым ліку тры пераможцы рэспубліканскіх алімпіяд.

Самы высокі прахадны бал сёлета зафіксаваны на спецыяльнасці «Камп’ютарная фізіка» — 188,

самы нізкі назіраўся на кірунку «Фізіка (кіруючая дзейнасць)»: 172 — для гарадскіх жыхароў, 160 — для сельскіх. У 2012 годзе на гэтыя спецыяльнасці былі залічаныя ўсе абітурыенты, што ўдзельнічалі ў конкурсе.

На гуманітарны факультэт паступілі 65 чалавек. На спецыяльнасці «сучасныя замежныя мовы (пераклад)» прахадны бал склаў 335 (у 2012 годзе — 328), на спецыяльнасці «сацыяльная праца (сацыяльнае праектаванне)»: 217 — для гарадскіх жыхароў, 207 — для сельскіх (у 2012 годзе агульны бал склаў 227).

Студэнтамі Дзяржаўнага інстытута кіравання і сацыяльных тэхналогій сталі 18 абітурыентаў. Самы высокі прахадны бал зафіксаваны на спецыяльнасці «сацыяльная праца (сацыяльна-псіхалагічная дзейнасць)»: гарадскі — 363, сельскі — 331 (у 2012 годзе: гарадскі — 261, сельскі — 236). Самы нізкі прахадны бал назіраўся на спецыяльнасці «маркетынг» — 316 (у 2012 годзе — 293).

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ