У Пскове ў панядзелак быў забіты вядомы праваслаўны святар Павел Адэльгейм. Падазраваны ў забойстве ўжо затрыманы.
Цела забітага святара з нажавымі раненнямі знайшлі каля 20:00 у храме Канстанціна і Алены ў Краснагорскім праездзе.
Супрацоўнікі
Па словах відавочцаў, нападнік крычаў, што забіць святара яму загадаў сатана.
Паўлу Адэльгейму 1 жніўня споўнілася 75 гадоў.
Ягоныя бацькі былі рэпрэсаваныя саветамі, бацька — артыст і паэт — быў расстраляны ў 1942 г., расстраляны таксама быў дзед. Ён быў паходжаннем з рускіх немцаў, атрымаў адукацыю ў Бельгіі, валодаў маёнткам пад Кіевам.
Павел пасля арышту маці выхоўваўся ў дзіцячым доме.
У 1969 годзе святар быў арыштаваны за распаўсюд рэлігійнага самвыдату.Адэльгейм быў асуджаны на тры гады лагераў па абвінавачванні за «паклёп на савецкі лад».
Знаходзячыся ў зняволенні, страціў правую нагу.
З 1976 года Павел Адэльгейм служыў у Пскоўскай епархіі.
У 2008 годзе ўказам мітрапаліта Пскоўскага і Вялікалуцкага Яўсевія айцец Павел быў зняты з пасады настаяцеля храма Святых
Святар неаднаразова выступаў з публічнай крытыкай дзейнасці РПЦ, у прыватнасці, закона аб абароне пачуццяў вернікаў.
«Калі царкоўны Глаўк вызначыць, якія пачуцці трэба абараняць, на вернікаў пачнуцца ганенні за «няправільныя» пачуцці. Ганенні будуць горш за ранейшыя. Расправу над вернікамі назавуць абаронай рэлігійных пачуццяў. Будзе інквізіцыя. Скардзіцца будзе няма каму, як заўсёды" — пісаў святар у сваім блогу ў ЖЖ.
Пскоўскі дэпутат Леў Шлосберг у інтэрв'ю Дождю заявіў, што забойства Паўла Адэльгема -- страта такога ж маштабу, як і смерць вядомага расійскага святара Аляксандра Меня".
