Прынц Фрыза з сям'ёй.
Нідэрландскі прынц Фрыза, малодшы брат караля краіны Вілема-Аляксандра, памёр ва ўзросце 44 гадоў, паведамляе каралеўскі палац Нідэрландаў.
Прынц знаходзіўся ў стане комы пасля няшчаснага выпадку, які здарыўся ў гарах Аўстрыі ў лютым мінулага года, калі ён катаўся на горных лыжах.
У заяве палаца адзначаецца, што прынц Фрыза памёр з-за ускладненняў пасля пашкоджання мозгу, выкліканага дэфіцытам кіслароду пасля няшчаснага выпадку.
Прынца накрыла лавіна, калі ён спускаўся на лыжах па непадрыхтаваным схіле ў Аўстрыі (off-piste — катанне за межамі лыжні, па немаркіраванай і непадрыхтаванай трасе), ён правёў пад снегам каля 15 хвілін.
0
0
0
0
0
0