Матацыкліст без правоў пакалечыў васьмігадовую дзяўчынку

У Драгічынскім раёне 14 жніўня ў ДТЗ пацярпела васьмігадовая жыхарка Камянецкага раёна.

У 13.15 у вёсцы Імянін 19-гадовы мясцовы жыхар, які кіраваў матацыклам «ММВЗ», учыніў наезд на дзяўчынку, што выбегла са двара.

Пацярпелая з закрытай чэрапна-мазгавой траўмай і пераломам ключыцы змешчана ў Драгічынскую цэнтральную раённую бальніцу. Матацыкліст з месца здарэння паехаў і быў затрыманы па месцы жыхарства.

Устаноўлена, што ён не мае права кіравання транспартнымі сродкамі. Матацыкл, на якім ехаў малады чалавек, не зарэгістраваны. Па факце ДТЗ праводзіцца праверка.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ