Аб гэтым паведаміла начальнік аддзела арганізацыі гандлю і грамадскага харчавання галоўнага ўпраўлення спажывецкага рынку Мінгарвыканкама Тамара Ціханава.
«Гэтая паслуга платная, але кошт яе невысокі. У сталічным ЦУМе з 19 жніўня і зусім паслугі па падгонцы школьнага адзення, набытага ва ўнівермагу, будуць бясплатнымі, — адзначыла Тамара Ціханава. — Адпаведныя аб’явы размешчаны ў аддзелах па продажы тавараў для школьнікаў, у кабінках, пакупнікоў інфармуюць з дапамогай радыёсувязі. Паслугі аказваюцца ў рэжыме працы магазінаў».
Як паказвае практыка, падгонка школьнага адзення выконваецца ў асноўным з памяншэннем даўжыні і памераў вырабаў. Вопытныя майстры універмагаў у самыя кароткія тэрміны спраўляюцца з любымі швейнымі вырабамі з самых разнастайных тканін, патлумачыла суразмоўца.
Сезон школьнага гандлю будзе доўжыцца да 10 верасня. Пашыраны асартымент такіх тавараў прадстаўлены ў 45 магазінах горада.
