Амерыканскія навукоўцы знайшлі новы від сысуноў, які жыве ў лясах Калумбіі і Эквадора.
Жывёла памерам з янота і з пысай плюшавага мішкі назвалі алінгіта, паведамляе
Больш за 100 гадоў яго памылкова прымалі за падобнага на яго алінга. Ён стаў першым за 35 гадоў выяўленым ў Заходнім паўшар’і новым відам драпежнай жывёлы.
Спатрэбілася больш за 10 гадоў, каб вылучыць жывёлу ў асобны від. Па словах навукоўцаў, у XXI стагоддзі падобныя адкрыцці адбываюцца надзвычай рэдка.
Лаўры навуковага адкрыцця дасталіся групе даследчыкаў з Смітсанаўскага інстытута ў Вашынгтоне.
Гэты праект стартаваў пасля таго, як заолаг Крыстафер Хелге пабачыў косці і скуру жывёлы ў сховішчы музея ў Чыкага.
«Я быў уражаны, — распавёў ён у інтэрв’ю
Хелге загадвае сысунамі ў Музеі натуральнай гісторыі ў Вашынгтоне, у якім знаходзіцца адна з найбуйнейшых калекцый млекакормячых ў свеце.
Алінгіта, даўжыня якога складае 35 см, адносіцца да сямейства янотавых. Параўнаўшы ўзоры ДНК з іншымі пяццю ўжо вядомымі відамі гэтага сямейства, Хелге змог пацвердзіць правільнасць свайго адкрыцця.
Зараз навукоўцы мяркуюць, што алінгіта жыў у некаторых амерыканскіх заапарках з 1967 па 1976. Супрацоўнікі заапаркаў прымалі іх за прадстаўніка блізкага родзіча — алінга і не разумелі, чаму гэтыя жывёлы не размнажаюцца. Іх адправілі ў розныя заапаркі, але яны памерлі да таго, як іх правільна класіфікавалі.
