БелТА
Аляксандр Лукашэнка 9 верасня сустрэўся з генеральным сакратаром Арганізацыі Дамовы аб калектыўнай бяспецы Мікалаем Бардзюжам.
На сустрэчы абмяркоўваліся пытанні падрыхтоўкі да маючай адбыцца 23 верасня ў Сочы сесіі Савета калектыўнай бяспекі АДКБ, а таксама беларуска-расійскіх сумесных стратэгічных вучэнняў «Захад-2013» .
Сярод іншага, Лукашэнка падкрэсліў, што хацеў бы пачуць меркаванне Мікалая Бардзюжы, а таксама кіраўнікоў дзяржаў, з якімі той сустракаўся, іх рэакцыю на ўсе актуальныя праблемы.
Лукашэнка падкрэсліў: «У апошні час у нас занадта шмат інфармацыйных і іншых падстаў у беларуска-расійскіх адносінах.
Я гатовы абмеркаваць з вамі пытанні, якія могуць узнікаць у сувязі з гэтым, бо апошні месяц выйшаў ужо занадта бурны ў нашых адносінах, маса непаразуменняў у гэтым плане, і я хацеў бы вас праінфармаваць і пачуць вашы ацэнкі».
Мікалай Бардзюжа дэталёва праінфармаваў Аляксандра Лукашэнку аб падрыхтоўцы да саміту АДКБ у Сочы.
Паводле яго слоў, у цэлым парадак дня ўжо падрыхтаваны. У прыватнасці, на разгляд прэзідэнтаў плануецца вынесці некалькі вельмі важных пытанняў, якія датычацца развіцця сілавога складніка з улікам сітуацыі ў свеце.
Мяркуецца, што прэзідэнты краін — членаў Арганізацыі разгледзяць пакет дакументаў па развіцці ваеннага складніка — гэта рашэнні і адносна стварэння авіяцыйных сіл АДКБ, і па арганізацыі кіравання калектыўнымі сіламі АДКБ.
