Увядзенне выязной пошліны для беларусаў прапаноўвалася ў якасці верагоднай меры для зніжэння адтоку валюты за мяжу.
Пра гэта заявіў сёння ў Жлобіне Аляксандр Лукашэнка, адказваючы на пытанні журналістаў.
«Я радзею не пра тое, каб забараніць выезд нашым грамадзянам, я перажываю, што пад $3 млрд валюты вывозіцца штогод з краіны», — сказаў ён.
«Вось ляпнуў сабе на шкоду, напэўна. Хоць я гэтага не баюся», — адзначыў Аляксандр Лукашэнка.
Паводле яго слоў, гэта прапаноўвалася ў якасці прыкладу. «А наогул, гэта сур’ёзнае пытанне. Мы гаворым аб валюце, што ёсць праблема. Вы ведаеце, колькі нашыя мяшэчнікі-чалночнікі вывозяць валюты за межы краіны?
Памежнікі падлічылі — за $2 млрд. Калі б гэта ў краіне заставалася, то мы б жылі зусім па-іншаму», — сказаў ён.
«Кажуць: вы выпускайце, як на Захадзе, — мы будзем гэтыя шмоткі купляць у Беларусі. Па-мойму, нашы нядрэнна сёння гандлююць і выпускаюць, і можна нармальна апрануцца, — мяркуе Лукашэнка. — Па-другое, а калі ў гэтай сітуацыі трэба апрануцца ў беларускае, пацярпець?
Вось ты вельмі вялікі прыхільнік нямецкага адзення, напрыклад, ну пацярпі ў гэтай сітуацыі. Не, ніхто ж не хоча! Ён купіў тут даляры ці еўра, Адносна нядорага, выехаў, вывез гэтую валюту».
Аляксандр Лукашэнка падкрэсліў, што яго непакоіць тое, што тым самым падтрымліваецца эканоміка Еўрапейскага саюза.
«Таму я і кажу, што трэба шукаць нейкія рычагі, як іншыя краіны гэта робяць.
Добра, не будзем з цябе браць сто даляраў, але будзеш увозіць шмоткі, як у іншых дзяржавах, заплаціш пошліну. Гэта ж нармальна, цывілізавана», — адзначыў Лукашэнка.
Ён дадаў, што ўрад па яго даручэнні думае над гэтым. У той жа час Лукашэнка адзначыў, што ў Беларусі неабходна выпускаць такую прадукцыю, каб насельніцтва не ехала па яе межы краіны.
«А гэтыя меры часовыя, другарадныя, калі нават і будуць уведзеныя», — падкрэсліў Лукашэнка.
«Крыху народ здрыгануўся, страпянуўся, палаяў Лукашэнку — таксама нядрэнна, я павінен быць у тонусе. Але трэба супакоіцца.
Горш для людзей мы ніколі не рабілі і рабіць не будзем. Мы ўзважым прычыны і абярэм лепшы ход, каб было добра і дзяржаве. А дзяржава — гэта ў цэлым народ», — сказаў ён.
Таксама Лукашэнка выказаўся наконт дэвальвацыі і пра перавод пад хатні арышт гендырэктара «Уралкалія» Уладзіслава Баўмгертнера.
«Пытанне з дэвальвацыяй нацыянальнай валюты наогул сёння не стаіць.
Навошта ставіць задачу абясцэніць нацыянальную валюту? Наадварот, нам трэба ад яе сысці», — сказаў ён.
«Пра змякчэнне меры стрымання Уладзіслаў Баўмгертнер можа дзякаваць толькі ўласнай маці», — сказаў Лукашэнка [яна напісала прашэнне на імя Лукашэнкі — НН]
