Італьянскі кінарэжысёр і сцэнарыст Карла Лідзані скончыў жыццё самагубствам, выскачыўшы з акна трэцяга паверха. Яму быў 91 год, паведамляе Бі-Бі-Сі.
Яго фільм «Аповесць пра бедных закаханых» атрымаў у 1954 годзе прыз Канскага кінафестывалю.
Лідзані таксама працаваў у якасці сцэнарыста над фільмам Раберта Расселіні «Нямеччына, год нулявы», які лічыцца класікай італьянскага неарэалізму.
Ён працаваў і над сцэнаром да фільма «Горкі рыс» неарэаліста Джузэпэ дэ Сантыса.
Іншы вядомы італьянскі рэжысёр Марыё Манічэлі тры гады таму загінуў аналагічным чынам, выкінуўшыся з акна бальніцы ў Рыме.
0
0
0
0
0
0
