Photo.bymedia.net
Пра гэта паведаміў сёння ў час відэабрыфінгу начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў.
«Беларусь апынецца ва ўладзе ўмерана цёплага атлантычнага паветра, якое забяспечыць жыхарам большасці абласцей звыклы бег восені», — растлумачыў эксперт.
У аўторак, 8 кастрычніка, у Беларусі чакаецца пераважна без ападкаў, толькі ў паўночных раёнах месцамі пройдуць невялікія дажджы, на асобных тэрыторыях згусцяцца туманы. Тэмпература паветра ўначы складзе ад плюс 3 градусаў па поўдні да 11 градусаў вышэй за нуль у паўночнай частцы краіны.
У Брэсцкай і Гомельскай абласцях на глебе месцамі сіноптыкі абяцаюць слабыя замаразкі ад 0 да мінус 1 градуса.
Днём тэмпература паветра складзе 10-16 градусаў вышэй за нуль.
У сераду ноччу месцамі па паўночным усходзе Беларусі пройдуць невялікія дажджы, у асобных раёнах згусцяцца туманы. Тэмпература паветра ў начныя гадзіны складзе плюс 3—10 градусаў, днём - ад 11 да 17 градусаў.
У чацвер месцамі па паўночным захадзе краіны чакаюцца кароткачасовыя дажджы, ноччу і раніцай у асобных раёнах згусцяцца туманы. Тэмпература ноччу складзе плюс 3—10 градусаў, днём чакаецца ад 11 да 17 градусаў.
У пятніцу і суботу ў асобных раёнах прагназуюцца невялікія дажджы, месцамі — туманы. Уначы чакаецца плюс 3—9 градусаў, у дзённыя гадзіны паветра прагрэецца да 10-16 градусаў.
У нядзелю ў цэлым па краіне ўсталюецца камфортная, пераважна без ападкаў надвор'е. Толькі ў асобных раёнах Брэсцкай вобласці пройдуць невялікія кароткачасовыя дажджы, месцамі па краіне могуць згушчацца туманы.
Тэмпература паветра ўначы складзе плюс 1—8 градусаў, на глебе месцамі магчымыя замаразкі ад 0 да мінус 2 градусаў. У дзённыя гадзіны паветра прагрэецца да 10—16 градусаў.
