У Расіі Геральдычная рада пры прэзідэнце праверыла сцяг Яўрэйскай аўтаномнай вобласці на наяўнасць у ім прапаганды гомасэксуалізму.
Падставай стаў зварот «пільнай жыхаркі», якая ўгледзела падабенства паміж сцягам ЯАВ з сямі гарызантальных палосаў колераў вясёлкі і вясёлкавым сцягам ЛГБТ-супольнасці.
Геральдычная камісія ў сваім афіцыйным адказе канстатавала адсутнасць якіх-небудзь прызнакаў гей-прапаганды ў сцягу і патлумачыла,
што не кожная выява вясёлкі есць гей-прапагандай.
Да таго ж эксперты адзначылі, што сцяг ЯАВ утрымлівае на адну паласу болей за стандартны варыянт вясёлкавага ЛГБТ-сцяга.
Масавая праверка на наяўнасць гей-прапаганды выяваў з вясёлкаю пачалася пасля прыняцця закона аб супрацьдзеянні прапагандзе гомасэксуалізму сярод непаўналетніх.
Яўрэйская аўтаномная вобласць была на Далёкім Усходзе заснаваная ў 1934 годзе як месца пражывання савецкіх яўрэяў. Сцяг ЯАВ быў зацверджаны ў 1996 г.
