У мэтах выканання пятнічнага Указа Лукашэнкі на прадпрыемствах пачалася тэматычная аператыўная праверка. Пра пачатак праверак у Мінску паведаміў старшыня Мінскага гарвыканкама Мікалай Ладуцька.
У сталіцы ўжо агледжаны тэрыторыі 193 прадпрыемстваў. Нездавальняючае становішча спраў кантралёры заспелі на 61 аб'екце, у тым ліку на МЗАЛ, заводзе шасцерняў, «Тэрмапласце» і «Мінскпраектмэблі».
Парадак камісія адзначыла на МАЗе і «Кераміне».
Галоўны санітарны ўрач Мінска Наталля Жукава выдзеліла дзве найважнейшыя праблемы, выяўленыя на прадпрыемствах. Па-першае, яны маюць значныя тэрыторыі, якія не выкарыстоўваюцца. Акрамя таго, не адпрацаваная тэхналогія збору, здачы і ўтылізацыі прамысловых адкідаў.
У прадпрыемстваў ёсць два дні, каб навесці парадак інакш гэта можа абярнуцца жорсткім пакараннем для адміністрацыі, папярэдзіў Ладуцька.