З 15 снежня Польская Чыгунка (PKP) уводзіць новы расклад руху, які павінен палепшыць транспамежны рух.

Як паведаміла дырэктарка PKP «Pэгіянальныя перавозкi» Эльжбета Залуска, да двух цягнікоў на трасе Беласток — Гродна — Беласток: ранішняга і вечаровага, будзе дададзены трэці.

«З Беластока цягнік будзе выязджаць у 05.40, з Гродна ў 10.20, прыезд да Беластока ў 13.22. Дамова з міністэрствам на гэты трэці цягнік, на новы расклад падпісаная на 2014-2015 год», - растлумачыла прадстаўніца PKP «Pэгіянальныя перавозкi».

Павелічэнне чыгуначнага транспарту стала магчымым дзякуючы таму, што ўлады Падляскага ваяводства вылучылі больш грошай на падтрымку чыгункі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?