Аб гэтым паведамілі ва ўпраўленні кантролю спажывецкага рынку — Гандлёвай інспекцыі Міністэрства гандлю.
Гандлёвая інспекцыя ў жніўні — лістападзе правяла шэраг пазапланавых праверак, у тым ліку некаторых крам сеткі «Еўраопт». Вынікі кантрольных мерапрыемстваў сведчаць, што ў кожным трэцім гандлёвым аб'екце сеткі магазінаў «Еўраопт» з ліку правераных рэалізоўваўся пратэрмінаваны тавар.
Так, з 38 правераных Мінгандлем магазінаў сеткі ў 14 былі ўстаноўлены факты продажу (знаходжання ў рэалізацыі) тавараў з прамінулымі тэрмінамі прыдатнасці.
Толькі за названыя парушэнні заканадаўства прадугледжвае пакаранне ТАА «Еўрагандаль» на суму звыш 450 млн рублёў.
У Гандлёвай інспекцыі адзначылі, што праверкі гандлёвых арганізацый праводзяцца на пастаяннай аснове, у тым ліку з выкарыстаннем інфармацыі, якая паступае ад грамадзян па тэлефоне даверу 200-92-02.
