Да заканчэння прыёму заявак на конкурс Sony World Photography Awards 2014 засталося крыху больш за месяц.
Конкурс стартаваў 6 чэрвеня 2013, працы фотааматараў прымаюцца да 6 студзеня 2014, ад прафесійных фатографаў — да 9 студзеня.
Старшыня журы конкурсу — Уільям Хант, эксперт з Нью-Ёрка ў галіне фатаграфіі.
Прапануем некалькі найлепшых здымкаў, дасланых на конкурс.
Фота Nicolas Reusens Boden, Sweden, Entry, Open Nature & Wildlife.
Гэты фотаздымак Нікалас Ройзенс Бодэн зрабіў у Швецыі. Ён расказвае: «Я здымаў у натуральных, але кантраляваных умовах. Некаторыя фатаграфіі не могуць быць зробленыя ў дзікай прыродзе — альбо гэта запатрабуе вельмі шмат часу і грошай, вось чаму фатаграфічныя майстар-класы праводзяцца ў падрыхтаваных месцах і прыцягваюць усіх тых, хто жадае вывучыць асновы фотасправы (асвятленне, праца з камерай, кампазіцыя і г. д.). Удзельнікам майстар-класаў даецца магчымасць рабіць здымкі, падобныя да гэтага. Хоць я і кантраляваў сітуацыю, гэты кадр не з'яўляецца пастановачным. Я вёў занятак, у часе якога мы фатаграфавалі драўняную жабу, вядомую як чырванавокая квакша (agalychnis callidryas), з Коста-Рыкі. Раптам жаба скокнула на галінку, дзе спаў гэты велізарны жук-тытан … У мяне ўсё было падрыхтавана загадзя, я толькі памяняў некаторыя налады і націснуў на спуск …»
Фота Cory Kipa, new Zealand, Entry, Open Nature & Wildlife.
Гэты здымак быў зроблены ў Сіднэі, Аўстралія, у заапарку Таронга (Toronga), каля сіднейскай гавані. Фатограф Коры Стос распавядае: «Я проста назіраў за жырафамі, якія гулялі па вальер. Яны не рабілі нічога асаблівага, а потым пачаўся моцны дождж. Каб не прамокнуць, я схаваўся пад дах разам са сваім абсталяваннем і раптам заўважыў маладых жырафаў, які тоўпіліся ля ўваходу ў пячору. Вялі яны сябе трохі разгублена, таму што з імі не было іх мамы. Яны азіраліся па баках, потым я ўбачыў іх маці, якая падышла да іх як ні ў чым не бывала, і яны супакоіліся. Момант быў выдатны, і я вельмі рады, што мне ўдалося яго сфатаграфаваць».
Фота Holger Schmidtke, Germany, Entry, Open Architecture.
Гэта станцыя метро на вакзале ў Дуйсбургу (Duisburg), Германія.
Фота Pedro Londoño, Colombia, Entry, Open Low Light.
Гэтая фатаграфія была зроблена ў парку забаваў у горадзе Медэліна (Medellín), Калумбія. Фатограф Пэдра Ландонья кажа, што гэта «месца, дзе прыгадваецца дзяцінства».
Фота Samantha Fortenberry, US, Entry, Open Low Ligh.
Саманта Фортэнберы распавядае, што натхніла яе на стварэнне гэтай фатаграфіі: «У юнацтве няма нічога лепш, чым быць побач з сябрамі. Нават моцны лівень падчас летняга купання спрыяе выдатным успамінам. Вы можаце вырасці і забыць імёны, але назаўжды запомніце моманты вашага дзяцінства. На гэтым фота — мае сябры на пірсе ў гарадскім парку ў горадзе Скотсбара (Scottsboro), штат Алабама».
