Удзельнікаў набралася на 39 пары. Як паведамлялі арганізатары, толькі 9 з іх былі з Мінска.
Конкурс беларускіх танцаў «Мяцеліца» прайшоў у мінскім Палацы мастацтваў. Яго арганізатарамі выступілі — Школа Традыцыйнага Мастацтва і грамадская культурніцкая кампаніі «Будзьма беларусамі!».
Аўтар ідэі — Мікалай Козенка — знакаміты этнахарэограф, нястомны даследчык аўтэнтычнага беларускага танца, які ўжо шматразова выступаў у якасці ініцыятара, рэжысёра-пастаноўшчыка і балетмайстра шэрагу знакавых фальклорных фестываляў.
У праграме конкурсу было 10 найбольш вядомых беларускіх танцаў, сярод якіх «Лявоніха», «Падыспань», «Кракавяк», «Полька-какетка», «Ночка» ды інш.
