Не спі ў шапку, не шчоўкаем дзюбай! Не прапусці!
17-га снежня а 19.00 у Беларускім Доме ў Варшаве (Вейска, 13-3) адбудзецца доўгачаканая літаратурная вечарына паэта Уладзіміра Някляева і прэзентацыя кнігі «Знакі прыпынку».
Адмысловыя госці:
Вядомы перакладчык з беларускай на польскую Чэслаў Сэнюх
Старшыня польскага ПЭН-цэнтру, перакладчык Адам Паморскі
Літаратар, дзеўка-паэт-неба Валярына Кустава.
Таксама чакаюцца «белае віно і чырвонае – кожнаму сваё» (с)
Адмысловыя пункты праграмы:
— Уладзімер Някляеў прэзентуе сваю новую кнігу « Знакі прыпынку»
— Уладзімір Някляеў раскажа, хто стаў прататыпам акторкі Яблонскай з легендарнай паэмы «Паланэз», як ён вывучыў польскую мову і чаму год жыў у Польшчы, пачытае вершы пра «Лазенкі» і Мост Панятоўскага
— таксама ў праграме абмеркаванне, дыскусія і Вашы пытанні
— магчымасць набыць кнігі паэта, атрымаць гарачыя зімовыя аўтографы і парукацца з жывым класікам
— прыемныя нечаканкі для гасцей
Нарэшце Някляеў выступіць менавіта як ПАЭТ!
Пакуль што — так. А далей — паглядзім.