У Беларусі на восем мільёнаў сапраўдных банкнот Нацыянальнага банка сустракаецца толькі адна падробленая.
Пра гэта на прэс-канферэнцыі 18 снежня ў Мінску паведаміў галоўны спецыяліст галоўнага ўпраўлення наяўнага грашовага абароту Нацбанка Віктар Сасноўскі, кажучы пра ўзровень фальшываманецтва ў краіне ў дачыненні да нацыянальнай валюты.
Паводле яго слоў, у іншых краінах выкарыстоўваецца паказчык колькасці падробленых банкнот на адзін мільён сапраўдных, але ў Беларусі такі падлік правесці немагчыма.
У краінах еўразоны, як паведаміў спецыяліст, на мільён сапраўдных банкнот прыходзіцца 18 тысяч падробленых.
Паводле інфармацыі Сасноўскага, апошнім часам змянілася структура падробак, якія выяўляюцца ў банках. Калі раней большасць з іх складалі даляры ЗША, то з 2012 года — расійскія рублі наміналам у 1.000 і 5.000.
Затым ідуць даляры, еўра і беларускія рублі.
Большая частка фальшывак (49%) выяўляюцца ў банках Мінска і Мінскай вобласці. На астатнія рэгіёны прыходзіцца ад 14 да 18% выяўленых падробленых грошай.