Гродзенскае аддзяленне Таварыства беларускай мовы выпусціла краязнаўчы каляндар на 2014 год.
Гэта настольнае перакідное выданне, якое вытрымлівае ўжо пятае перавыданне.
У календары пададзена каля паўтысячы важных і цікавых датаў з гісторыі Гродзеншчыны і яе славутых асобаў. Напрыклад, на 1 студзеня 2014 года выпадаюць ажно дзве юбілейныя даты — 85-годдзе мовазнаўцы Яўгена Мякіша і 60-годдзе правзнаўцы Іосіфа Вяленты.
«Гэта вельмі папулярнае выданне, — кажа старшыня ТБМ Алег Трусаў. — Яно карыстаецца вялікім попытам на Гродзеншчыне, астатнія вобласці маглі б узяць з гарадзенцаў прыклад. У Мінску яго таксама можна купіць — на сядзібе ТБМ і на сядзібе БНФ. Аднак большасць наклада застаецца ў Гродна».
Складальнік календара — прафесар Аляксей Пяткевіч, рэдагаваў выданне Станіслаў Суднік.