На шляху да чаргі па «дары вешчуноў» збіралі ахвяраванні на храм.

Чарга пачыналася ўсяго за сотню метраў ад праспекта Незалежнасці.

Людзі ў чарзе апранаюцца цяплей.

Грэцца можна ў чырвоных спецыяльных намётах…

…таксама грэцца можна ў аўтобусах, якія стаяць уздоўж чаргі.

…грэцца можна і ў пад'ездах, як гэтая спадарыня. Яна кажа, што стаіць у чарзе ад 15.00.

Былі ў чарзе бацькі з малымі дзецьмі.

Але пераважалі людзі сталага веку.

Сярод шматтысячнага натоўпу было проста згубіць адно аднаго.

Турнікеты на падыходах да храма.

У Мінск сёння даставілі «дары вешчуноў» — праваслаўную рэліквію з манастыра Святога Паўла на Афонскай гары.

Легенда сцвярджае, што гэта тыя самыя дары, якія прынеслі вешчуны маленькаму Ісусу Хрысту. Але навукоўцы даводзяць, што рэліквія — часткі параднага пояса аднаго з апошніх візантыйскіх імператараў.

Перш чым трапіць у Беларусь, дары пабывалі ў Расіі. У Маскве і Пецярбургу людзі стаялі па шмат гадзін у чарзе, каб іх пабачыць.

З аэрапорту Мінск-2 дары прывезлі ў храм Іова Шматпакутнага пры Доме міласэрнасці (вул. Скарыны, 11, мікрараён «Усход»).

Паглядзець на іх ідуць тысячы людзей (назіральнікі кажуць — ад 5 да 10 тысяч), нягледзячы на вечар і моцны холад. Утварылася чарга ў некалькі кіламетраў.

Уздоўж чаргі стаяць спецыяльныя аўтобусы і намёты, у якіх можна сагрэцца.

«Дары вешчуноў» прабудуць у Мінску да 23 студзеня. Далей іх павязуць у Кіеў.

Чытайце таксама: У Мінск прывязуць «дары вешчуноў»: што гэта такое насамрэч

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру