Актывіста УНА-УНСО, беларуса Міхаіла Жызнеўскага забілі 22 студзеня ў Кіеве на вуліцы Грушэўскага з помпавай стрэльбы карцеччу 12-га калібра. Пра гэта Gazeta.ua паведаміў ветэран УНСО і палітвязень акцыі «Украіна без Кучмы» Ігар Мазур.
Мазур распавёў, што цела забітага Жызнеўскі гэтага часу не паказалі сябрам і знаёмым. Затое міліцыя дэманстравала ім толькі фота.
«Аказваецца, ён быў забіты не куляй пісталета Макарава, а з помпавіка карцеччу, з блізкай адлегласці ў сэрца, 12-га калібра. Гэта патрон, з якім ідуць паляваць на дзіка», — растлумачыў грамадскі дзеяч.
Ён дадаў, што ў нядзелю, 26 студзеня, у 12.00 (13:00 па Мінску) будзе паніхіда ў Міхайлаўскім саборы ў Кіеве.
«Сімвалічна, што Міхаіла Міхайлавіча Жызнеўскага будуць адпяваць менавіта там», — адзначыў Мазур.
Міхаіла пахаваюць у Гомелі. Яго цела на радзіму адвязе бацька.