Відэа з Запарожжа анлайн:
Каля пяці тысяч дэманстрантаў сабралася на цэнтральнай плошчы горада. Да актывістаў апазіцыі далучыліся фанаты футбольнага клуба «Металург». Як і скрозь на ўсходзе і поўдні Украіны, ультрас актыўна падтрымалі еўрамайдан.
На ахову будынку аблдзяржадміністрацыі было выстаўлена паўтысячы міліцыянтаў і некалькі соцень прыхільнікаў Партыі рэгіёнаў. Але апошнія разышліся, пабачыўшы колькасную перавагу пратэстоўцаў.
У выніку сутычак ёсць параненыя. Першы штурм міліцыя адбіла, пачаўся другі.
17:25
Пратэстоўцы ў Запорожье перакрываюць праспект Леніна — цэнтральную вуліцу горада.
Запарожжа стала першым усходнеўкраінскім абласным цэнтрам, дзе дэманстранты спрабуюць захапіць органы ўлады. На выбарах 2004 і 2010 гадоў Запарожская вобласць большасцю галасоў падтрымлівала Януковіча, а не Юшчанку і Цімашэнку.