Прэмія «Дэбют» імя Максіма Багдановіча з'явілася ў снежні 2010 года Беларускім ПЭН-цэнтрам і Саюзам беларускіх пісьменнікаў з удзелам бізнэсоўца Паўла Бераговіча. Прэмія надаецца ў тых жанрах, у якіх пісаў Максім Багдановіч: паэзія, проза і мастацкі пераклад. Прычым аўтар на момант вылучэння павінен быць маладзейшы за 35 гадоў.
Сёлета ў склад журы ўвайшлі Валянцін Акудовіч, Павел Анціпаў, Уладзімір Арлоў, Лявон Баршчэўскі, Павел Бераговіч, Марыя Мартысевіч, Уладзімір Някляеў, Алесь Пашкевіч, Барыс Пятровіч, Андрэй Хадановіч і Наталка Харытанюк.
У спіс уключаныя наступныя аўтары і кнігі:
Проза
1. Маргарыта Аляшкевіч. Мадэль для забойства. — Мінск: BYBOOKS [электроннае выданне], 2013.
2. Зміцер Гуд. Поўдзень-3. — Мінск: «Галіяфы», 2013.
3. Зміцер Дашкевіч. Чарвяк. — Вільня: 2013.
4. Павел Капанскі. Жыццё з вялікай літары Ж. — Мінск: BYBOOKS [электроннае выданне], 2013.
5. Кацярына Оаро. Сарочае радыё. — Мінск: «Кнігазбор», 2013.
6. Сцяпан Стурэйка. Разрушыцель. — Мінск: «Твой стыль» [электроннае выданне], 2013.
Паэзія
1. Кірыла Анохін. Асцярожна, дрэвы зачыняюцца. — Мінск: «Кнігазбор», 2013.
2. Кацярына Глухоўская. Калі дрэвы растуць з галавы. — Мінск: «Галіяфы», 2013.
3. Вольга Гронская. АдВольная міфалогія. — Мінск: «Харвест», 2013.
4. Дзмітры Дзмітрыеў. Ліра спіралі. — Мінск: «Логвінаў», 2013.
5. Алесь Емяльянаў-Шыловіч. Парасонечнасць. — Мінск: Кнігазбор, 2013.
6. Уладзь Лянкевіч. 70% вады. — Мінск: «Кнігазбор», 2013.
7. Віялета Пачкоўская. Арэхападзенне. — Мінск: «Логвінаў», 2013.
8. Вольга Чайкоўская. Эратычны алфавіт. — Мінск: BYBOOKS [электроннае выданне], 2013.
Пераклад
1. Вольга Гапеева: Роберт Вальзер. Шпацыр. — Мінск: «Логвінаў», 2013.
2. Ірына Герасімовіч: Міхаэль Кумпфмюлер. Хараство жыцця. Ільма Ракуза. Перакрэсліць усё. — Мінск: «Логвінаў», 2013.
3. Кацярына Маціеўская: Оскар Ўайлд. Саламея. — Мінск: «Кнігазбор», 2013.
4. Сярж Мядзведзеў: Чак Паланюк. Байцоўскі клуб. — Мінск: «Логвінаў», 2013.
Шорт-ліст прэміі будзе абвешчаны 17 лютага.
