Пасьля выданьня праекту «Песьні Свабоды» лэйбл «VoliaMusic» узяўся за рэалізацыю складанкі, якая будзе прысьвечана 20-м угодкам чарнобыльскай катастрофы. «Тэма Чарнобыля – заўжды актуальная, у тым ліку і сярод музыкаў», – кажа завадатар праекту Puper.
Плянуецца сабраць усе ранейшыя вядомыя песьні пра Чарнобыль, экалёгію, радыяцыю: ад «бондаўскага» «Радыяактыўнага блюзу» – да «Радыяцыі» ў выкананьні «Тарпача». У дыск увойдзе і відэакліп на песьню «Крамы» «Гомельскі вальс».
Узяць удзел у складанцы пад працоўнай назвай «Чарнобыльскі вецер» можа кожны гурт. Свае музычныя творы на тэму Чарнобылю, радыяцыі, экалёгіі, прыроды можна дасылаць да 26 сакавіка.
Е-mail праекту – kryw.mzr@ gmail.com, тэл.: 8 (029) 3948927.