Віцэ-канцлер Германіі, міністр замежных спраў Франк-Вальтэр Штайнмаер выступіў супраць ваеннага ўмяшання Расіі ў сітуацыю ва Украіне, паведамляе Agence France-Presse.
«Мы знаходзімся на вельмі небяспечным шляху эскалацыі напружанасці, аднак сітуацыю яшчэ можна змяніць. Новы падзел Еўропы ўсё яшчэ можна прадухіліць», — падкрэсліў кіраўнік МЗС.
Штайнмаер заклікаў вінаватых у росце напружанасці ўстрымацца ад далейшых крокаў, якія, на думку міністра, могуць быць расцэненыя «толькі як правакацыя».
Каментуючы рашэнне Савета Федэрацыі РФ ухваліць просьбу Уладзіміра Пуціна аб увядзенні войскаў у Крым, міністр адзначыў, што Расія не мае права на якія-небудзь ваенныя дзеянні ў рэгіёне па-за межамі дамовы аб арэндзе базы Чарнаморскага флоту на тэрыторыі Украіны.
