Прэзідэнт Сірыі Башар Асад ў чацвер выказаў салідарнасць з дзеяннямі прэзідэнта Расіі Уладзіміра Пуціна ў сувязі з сітуацыяй ва Украіне.
«Прэзідэнт Башар Асад накіраваў Уладзіміру Пуціну тэлеграму, у якой ад свайго імя і ад імя сірыйскага народа выказаў салідарнасць з яго намаганнямі па аднаўленні бяспекі і стабільнасці ў сяброўскай дзяржаве Украіне ў святле спробы перавароту супраць законнасці і дэмакратыі на карысць радыкалаў і тэрарыстаў», — адзначаецца ў паведамленні.
Ён таксама адзначыў, што Дамаск падтрымлівае «рацыянальны і міралюбівы падыход расійскага прэзідэнта, які імкнецца да сусветнай сістэмы, якая падтрымлівае стабільнасць і барацьбу з тэрарызмам».
Башар Асад з'яўляецца лідарам Сірыі з 2000 года. Тры гады таму пасля жорсткага падаўлення ім антыўрадавых пратэстаў у краіне пачалася маштабная грамадзянская вайна, падчас якой, паводле ацэнак ААН, загінулі больш за сто тысяч чалавек.
У канфлікце, верагодна, з абодвух бакоў ўжывалі хімічную зброю, што ледзь не стала падставай для ваеннай інтэрвенцыі ў Сірыі з боку ЗША. Аднак праз дыпламатычную падтрымку Расіі сірыйскі ўрад абвясціў пра адмову ад хімзброі і яе ўтылізацыю пад міжнародным кантролем.
Зараз грамадзянская вайна ў Сірыі працягваецца.
Асад фактычна стаў першым лідарам незалежнай дзяржавы, які падтрымаў Пуціна. Раней аб падтрымцы дэ-факта падзеі ўводу войскаў ва Украіну заяўлялі толькі кіраўнік Чачні Рамзан Кадыраў і скінуты экс-прэзідэнт Украіны Віктар Януковіч.
