Чым даўжэй Міхаэль Шумахер знаходзіцца ў коме, тым меншыя яго шанцы на поўнае выздараўленне, лічыць былы медыцынскі дэлегат серыі аўтагонак «Формулы-1» Гары Харстайн.
«З цягам часу становіцца ўсё менш і менш верагодным, што Міхаэлю ўдасца вярнуцца ў нармальны стан», — заявіў ён у інтэрв'ю газеце Independent. У сувязі з гэтым, на яго думку, фанатам гоншчыка варта «рыхтавацца да самага горшага».
29 снежні 2013 года сяміразовы чэмпіён свету «Формулы-1» Міхаэль Шумахер атрымаў сур'ёзную чэрапна-мазгавую траўму, катаючыся на лыжах на курорце Мэрыбэль ў французскіх Альпах. У шпіталі ў Шумахера выявілі кровазліццё ў мозг. З тых часоў 45- гадовы спартсмен перанёс дзве аперацыі і ў цяперашні час знаходзіцца ў штучнай коме.
На дадзены момант апошняе афіцыйнае паведамленне аб стане гоншчыка было апублікавана 7 сакавіка. Тады яго менеджэр Сабіна Кім паведаміла, што Шумахер па-ранейшаму знаходзіцца ў фазе паступовага абуджэння.