Ukraine.mfa.gov.by
Дыялог паміж Беларуссю і Украінай працягваецца, заявіў прэс-сакратар беларускага МЗС Дзмітрый Мірончык на брыфінгу 27 сакавіка ў Мінску.
«Ужо пасля адклікання ўкраінскага пасла для кансультацый пасол Беларусі Валянцін Вялічка ў Кіеве сустрэўся з першым намеснікам міністра замежных спраў Украіны. Такім чынам, наш дыялог з Украінай працягваецца», — заявіў прадстаўнік МЗС Беларусі. Паводле яго слоў, беларускі бок зыходзіць з таго, што ўзровень паслоў — аптымальны для кантактаў паміж суседнімі дружалюбнымі краінамі, звязанымі цеснымі эканамічнымі і міжасобаснымі кантактамі».
Мірончык падкрэсліў: беларускі бок спадзяецца, што на гэтым узроўні адносіны дзвюх краін будуць падтрымлівацца і надалей. Пры гэтым ён заўважыў, што Беларусь не адклікала ў Мінск свайго пасла ў адказ на дзеянні Украіны.