Лівійскае дзяржаўнае тэлебачанне паказала відэазапіс, на якім адзін з сыноў Муамара Кадафі з турмы просіць прабачэння ў народа Лівіі.
«Я прашу прабачэння у лівійцаў і я прашу прабачэння ў маіх дарагіх братоў з лівійскага ўраду за ўсё зло, якое я прычыніў, за парушэнне бяспекі і стабільнасці Лівіі», — кажа Саадзі Кадафі.
Саадзі збег з Лівіі за месяц да таго, як яго бацька быў забіты паўстанцамі ў кастрычніку 2011 года. 6 сакавіка адбылася ягоная экстрадыцыя з Нігера ў Лівію.
Саадзі Кадафі камандаваў сіламі бяспекі ў апошнія гады рэжыму. Фота Reuters.
Яго абвінавачваюць у забойствах дэманстрантаў і ў іншых злачынствах, учыненых падчас грамадзянскай вайны ў Лівіі.
0
0
0
0
0
0
