10 красавіка 2014 года ў Вялікай зале Беларускай дзяржаўнай акадэміі музыкі (вул. Інтэрнацыянальная, 30) у 19 гадзін адбудзецца канцэрт, арганізаваны ў рамках Міжнароднай культурнай праграмы «Еўрапейскія масты» пры падтрымцы Міжнароднага грамадскага аб’яднання «Хрысціянскі адукацыйны цэнтр імя святых Мяфодзія і Кірыла», Брацтва ў гонар Віленскіх мучанікаў у г. Мінску, Міжканфесійнай місіі «Хрысціянскае сацыяльнае служэнне».
У праграме канцэрта прагучыць твор «Страсці паводле Мацвея» Мітрапаліта Валакаламскага Іларыёна (Алфеева).
У канцэрце ўдзельнічаюць:
Сімфанічны аркестр Беларускай дзяржаўнай акадэміі музыкі
Хор студэнтаў Беларускай дзяржаўнай акадэміі музыкі, мастацкі кіраўнік — Інэса Бадзяка
Салісты: Ірына Крыкунова (Расія), Алена Сало, Янаш Нялепа, Станіслаў Трыфанаў.
Тэкст Евангелля чытае артыст Алег Вiнярскi
Дырыжор — Народны артыст Беларусі, Заслужаны дзеяч мастацтваў Расійскай Федэрацыі Аляксандр Анісімаў.
