42-гадовага жыхара Палтавы, байца спецпадраздзялення «Альфа», якога сёння забілі падчас правядзення антытэрарыстычнай спецаперацыі ў Славянску, расстралялі з машыны ахоўнай фірмы «Явар-2000».
Пра гэта на сваёй старонцы ў Facebook паведаміў народны дэпутат Украіны Сяргей Каплін.
«Раней мне паведамлялі, што гэтая структура ўваходзіла ў эканамічную арбіту Сіўковіча. Гэта проста ахоўная імперыя, з тысячамі ўзброеных людзей, гаспадар — «рэгіянал», дэпутат Палтаўскай аблрады. Я не выключаю правакацыі, выкрадання аўто і г.д». — піша Каплін.
Акрамя гэтага, паводле яго слоў, па трасе Славянск—Данецк сепаратысты захапілі 2 аўтамабілі Урал, верагодна з боепрыпасамі.
«Адзін стаіць на абочыне з прабітымі коламі, другі «апалчэнне» адвезла. Уся дарога ў «георгіеўскіх блокпастах!», — піша нардэп.