У Чыце (Расія) на вуліцы з'явіўся банер, прысвечаны подзвігу сувязіста Аляксея Залатарова падчас Вялікай Айчыннай вайны, з 12 памылкамі ў тэксце. Плакат з'явіўся 11 красавіка, паведамляе «Чита.ру».
чита.ру
У тэксце, у прыватнасці, з малых літар напісаныя словы «Савецкі саюз» і «забайкалье». Залатароў, згодна з тэкстам банера, быў «молодым комунистом», які ўдзельнічаў у «неприрывных» боях. Аўтары плаката таксама ўказалі, што Залатароў 45 разоў абараняў вузел сувязі. На самай справе ён ліквідаваў 45 пашкоджанняў тэлефоннай лініі.
Пасля публікацыі навіны банэр прыбралі з рэкламнага месца. У кампаніі «Эпіцэнтр», што размясціла яго, растлумачылі, што шыльду замовіла забайкальскае аддзяленне КПРФ,
з прадстаўнікамі якога ўзгаднялі канчатковы тэкст плаката пяць разоў.
Сакратар крайкама КПРФ Юрый Гайдук распавёў выданню, што на плакаце па памылцы надрукавалі чарнавы варыянт тэксту, і папрасіў прабачэння перад чыцінцамі.
