У ім бяруць удзел больш за дзве тысячы дэлегатаў. У іх ліку — супрацоўнікі Нацыянальнай акадэміі навук, галіновай навукі і навукі ВНУ, прадстаўнікі розных міністэрстваў, ведамстваў і найбуйных прадпрыемстваў. На з’езд запрошаныя 500 гасцей з замежжа — Расіі, Украіны, Літвы, Кітая, Нямеччыны, Венесуэлы і іншых краін.
Сёння дэлегаты возьмуць удзел у пасяджэннях галіновых міністэрстваў і ведамстваў, а таксама азнаёмяцца з дасягненнямі і распрацоўкамі, што прадстаўленыя на выставе «Навука і інавацыі Беларусі».
2 лістапада дэлегаты збяруцца ў Палацы Рэспублікі на ўрачыстае пасяджэнне. Чакаецца, што перад імі выступіць прэзідэнт Лукашэнка. Па выніках работы з’езда плануецца прыняць рэзалюцыю.