Бэзавым колерам пазначаны Крым і захопленыя раёны Данбаса. Жоўтым колерам пазначаны раёны Данбаса, што застаюцца пад поўным ці частковым кантролем украінскіх войскаў.
Данецкая і Луганская «народныя рэспублікі» падпісалі дакумент аб аб'яднанні ў складзе адзінай дзяржавы Наваросіі. Пра гэта напісаў «народны губернатар» Данбаса Павел Губараў на сваёй старонцы ў фэйсбуку.
Ад імя ДНР дакумент аб аб'яднанні падпісаў «прэм'ер-міністр» ДНР Аляксандр Барадай, з боку ЛНР «кіраўнік рэспублікі» Аляксей Каракін.
«Мы не прызнаём прэзідэнта і парламент Украіны. Данецкая і Луганская народныя рэспублікі з'яўляюцца незалежнымі дзяржавамі. Гэта мая пазіцыя», — піша Губараў.
«Таму прызнаваць урад і абранага прэзідэнта мы будзем толькі з пазіцыі, калі яны гатовыя прызнаваць незалежнасць рэспублік Данбаса. І другое, яны павінны неадкладна вывесці войскі за межы нашых народных рэспублік і спыніць любыя баявыя дзеянні», — гаворыцца ў допісе.
Супраць дадзеных крокаў выступілі палітыкі з Партыі рэгіёнаў на чале з дэпутатам Царовым, аднак расейскія СМІ проста праігнаравалі іх.
