Хакей скончыўся: спецназ зачысціў Зону гасціннасці ля Палаца спорту а 3.32 раніцы ФОТЫ Сяргея Гудзіліна
Пакуль прэзідэнт Міжнароднай федэрацыі хакея Рэнэ Фазэль зачыняў сваёй прамовай на Мінск-Арэне чэмпіянат свету па хакеі ў Мінску, у Зоне гасціннасці ля Палаца спорту толькі распачыналася сапраўднае святкаванне апошняга дня. Пасля каля 23 гадзін нядзелі народ плынямі цёк да Мінскага замчышча. Праспект запаланілі машыны са сцягамі Расіі — заўзятары святкавалі перамогу сваёй зборнай.
Зона гасціннасці прымала ўсіх. Са сцэны скандавалі «Бе-ла-русь», потым «Ра-сі-я!», потым нехта казаў, што трэба «Любіць сваю Радзіму, быць патрыётам і цаніць…». Піва лілося рэкамі. Чэргі па яго ў Зоне гасціннасці, здаецца, былі заўсёды. Народ абляпіў усё ўзбярэжжа Свіслачы і чакаў фінальнага салюта. Фанаты зборнай Расіі браталіся з мінакамі, высоўваліся з вокнаў машын і проста адрываліся.
Здавалася, што ў гэтую апошнюю ноч усе госці ЧС у Мінску, якія яшчэ засталіся, былі тут. Атмасфера нагадвала карнавал з морам алкаголю, гарачымі дзеўкамі ў кароткіх спадніцах і танцамі паўсюль. На кароткі момант падалося, што ў Мінск сапраўды завітаў супярэчлівы подых вольнасці…
Але гэты подых развеяўся, як дым пасля салюта адразу пасля сканчэння канцэртнай праграмы. Сотні людзей, здаецца, святкавалі б і да раніцы, але спецназ пачаў зачышчаць Зону гасціннасці ля Палаца спорту і адцясняў людзей у бок Нямігі. Былі выпадкі, калі людзей жорстка білі за тое, што яны не хацелі сыходзіць са святочнага замчышча.
А 3.32 шэраг спецназаўцаў адціснуў людзей да метро. З мегафона патрульнай машыны чуліся заклікі «не парушаць грамадскі парадак, не затрымлівацца на ходніках і ачысціць Зону гасціннасці для прыборкі». Мінскія досвіткавыя праспекты праглынулі апошніх неспакойных заўзятараў. Чэмпіянат скончыўся. Сёння панядзелак і першы працоўны дзень без яго.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары