Крым пераходзіць на рублі з 1 чэрвеня. Разлікі ў крамах і банках, аплата тавараў і паслуг, выплата сацпасобій, пенсій і заробкаў у рэгіёне будуць ажыццяўляцца толькі ў рублях. Грыўна будзе мець статус замежнай валюты.
Расійскі рубель быў прызнаны афіцыйнай валютай Крыму пасля далучэння паўвострава да Расіі 21 сакавіка 2014 г. Усе безнаяўныя плацяжы праходзяць у рэгіёне з 6 мая толькі ў рублях.
Дзеючае заканадаўства дапускала адначасовае выкарыстанне ўкраінскай грыўні і расійскага рубля на тэрыторыі Крыму і Севастопаля да 1 студзеня 2016 года.
Аднак Дзярждума РФ прыняла новы закон, паводле якога гэты тэрмін скарачаецца. Такім чынам, зварот грыўні і ажыццяўленне разлікаў у грыўнях у Крыме і Севастопалі магчыма толькі да 1 чэрвеня 2014 года.
0
0
0
0
0
0