Усе без выключэння падраздзяленні МУС будуць браць удзел у спецаперацыі ўкраінскіх сілавікоў супраць прарасійскіх сепаратыстаў на паўднёвым усходзе краіны, паведаміў міністр унутраных спраў Украіны Арсен Авакаў.
Прэм'ер-міністр Арсеній Яцанюк і міністр Арсен Авакаў узнагароджваюць удзельнікаў АТА, tsn.ua
«Прыняў рашэнне — усе 100% баявых і патрульных падраздзяленняў МУС прымуць удзел у Антытэрарыстычнай аперацыі. Гэта не толькі неабходнасць, гэта яшчэ і праверка на прафпрыдатнасць і сапраўдны дух і патрыятызм. Загартоўка падраздзяленняў ва ўмовах рэальных пагроз і выклікаў — адзін з фактараў стварэння новай міліцыі, якой грамадства стане давяраць», — напісаў Авакаў на сваёй старонцы ў Facebook.
Раней міністр паведамляў пра звальненне міліцыянтаў, якія адмаўляліся ехаць на ўсход краіны, каб удзельнічаць у аперацыі.
