Кіраўнік данецкіх тэрарыстаў Ігар Гіркін («Стралок»), які аддаў загад арыштаваць Вячаслава Панамарова, распавёў, чым яго не задаволіў «мэр» славянска.
«Так званы «народны мэр» Панамароў зняты з пасады за вядзенне дзейнасці, несумяшчальнай з мэтамі і задачамі грамадзянскай адміністрацыі. Большага пакуль сказаць не магу», — заявіў ён.
Як паведамляе Укрінфарм, у аўторак раніцай «Стралок» асабіста даў загад арыштаваць Панамарова. На яго месца быў прызначаны былы КГБіст Уладзімір Паўленка.