Учора ўвечары, 11 чэрвеня, нарад міліцыі прыбраў «люстэрка салідарнасці», якое прастаяла ў самым цэнтры Мінска два дні.
Міліцэйскі нарад ля «люстэрка салідарнасці».
«Люстэрка салідарнасці», якое невядомыя пакінулі ў цэнтры Мінска.
Інсталяцыя, якую невядомы размясціў у нішы фасада дома №39 па праспекце Незалежнасці ў Мінску, складалася з люстэрка з намалёванымі на ім маркерам турэмнымі кратамі і надпісам «апынуцца можа кожны».
Нягледзячы на зразумелы пасыл інсталяцыі і яе месцазнаходжанне, міліцыя «арыштавала» інсталяцыю толькі 11 чэрвеня — праз двое сутак пасля з'яўлення «люстэрка салідарнасці».
