Невядомыя ў камуфляжы і з аўтаматамі захапілі ў горадзе Краснадон Луганскай вобласці будынак Службы бяспекі Украіны (СБУ), паведаміла ў суботу на сваёй старонцы ў Facebook прадстаўнік ГУМВД Украіны ў Луганскай вобласці Таццяна Пагукай.
Краснадон знаходзіцца ў паўднёва-ўсходняй частцы Луганскай вобласці, у 30 кіламетрах ад Луганска.
«Уначы 20 узброеных аўтаматычнай зброяй людзей, апранутых у камуфляж, у масках, пашкодзіўшы замак на ўваходных дзвярах памяшкання Краснадонскага УСБУ, захапілі будынак. З памяшкання выкралі маёмасць, якая знаходзіцца на балансе УСБУ», — паведаміла Пагукай.
Паводле яе інфармацыі, узброеныя людзі працягваюць знаходзіцца ў будынку СБУ.
0
0
0
0
0
0