Сын былога прэзідэнта Украіны Віктара Януковіча — Віктар Януковіч-малодшы — абверг інфармацыю пра тэлефонную размову, якая нібыта адбылася ў яго з Аляксандрам Лукашэнкам.
Пра гэта ён паведаміў на сваёй старонцы ў Facebook.
«Многія, у тым ліку Мустафа Наем (абапіраючыся на нейкія «надзейныя крыніцы»), задалі мне пытанне адносна маіх перамоваў з прэзідэнтам Лукашэнкам, — напісаў ён. — Адкажу коратка: я — сціплы чалавек, не пакутую на манію велічы, не пляту дзяржаўных інтрыг, не здзяйсняю дзяржаўных пераваротаў для развалу Украіны і не лічу сябе ўпаўнаважаным весці перамовы з кіраўнікамі іншых дзяржаў».
На думку Януковіча, Лукашэнку, «відаць, разыграў вядомы тэлефонны хуліган — пранкер Ваван».
0
0
0
0
0
0
