Аб гэтым паведамляецца на старонцы пошукава-выратавальнага атрада «Анёл» у сацыяльнай сетцы «Укантакце».
Разам з беларусамі 1987 і 1995 гадоў нараджэння вызвалены таксама грамадзянін Расіі 1990 года нараджэння.
Вызваленне стала магчымым дзякуючы працы актывістаў дагестанскага аддзялення руху «Альтэрнатыва».
Паводле звестак пошукава-выратавальнага атрада, маладыя людзі прыехалі ў Маскву шукаць працу.
Там да іх «падышоў чалавек, прапанаваў падпрацаваць, пачаставаў гарбатай, а ўжо праз 20 гадзін яны прачнуліся ў багажніку рэйсавага аўтобуса, а пасля — на заводзе ў Дагестане, дзе ім паведамілі пра тое, што іх купілі і яны ўжо вінныя грошы».
Дзякуючы сумеснай працы ратавальнікаў у Беларусі і Дагестане ўдалося аператыўна ўсталяваць асобу аднаго з вызваленых. Высветлілася, што малады чалавек лічыўся без вестак зніклым і сваякі даўно яго шукаюць.
