Амерыканская кампанія Draken International заключыла з чэшскай Aero Vodochody кантракт на пастаўку 14 вучэбна-баявых самалётаў L-159E ALCA.
Дамова падпісана 16 ліпеня 2014 г. Паводле ўмоваў здзелкі, амерыканцам перададуць залішнія самалёты са складу ВПС Чэхіі. Кантракт ўтрымлівае апцыён на перадачу амерыканскай кампаніі яшчэ 14 L-159E.
L-159. Фота defenseindustrydaily.com
Сума дамовы не ўдакладняецца, аднак, як мяркуецца, яна магла скласці 12,4 мільёна даляраў.
Першыя вучэбна-баявыя самалёты пасля нязначнай мадэрнізацыі будуць перададзеныя ў канцы 2014 года.
Акрамя таго, амерыканская кампанія зоймецца прасоўваннем чэшскіх самалётаў на рынках Паўночнай і Паўднёвай Амерыкі, дзе, як паведамляла раней чэшская кампанія Aero Vodochody, назіраецца павышаны попыт на лёгкія штурмавікі і знішчальнікі. У выпадку верагоднай здзелкі фінальная зборка будзе праводзіцца ўжо на прадпрыемстве Draken International ў Фларыдзе.
***
Draken International існуе з 2011 года, аказвае ВПС ЗША паслугі арэнды баявых, вучэбна-баявых і навучальных самалётаў для падрыхтоўкі пілотаў да дзеянняў супраць верагоднага суперніка.
Вучэбна-баявы самалёт L-159 здольны развіваць хуткасць да 936 кіламетраў за гадзіну і рабіць палёты на адлегласць да 1,6 тысячы кіламетраў. Яго баявы радыус складае 565 кіламетраў. L-159A абсталяваны сям'ю кропкамі падвескі для ўзбраення агульнай масай да 2,3 тоны.