У Брэсце ратавальнікі ліквідавалі разлітую ртуць.
Як паведамілі ў Брэсцкім абласным упраўленні МНС, 23 ліпеня ад дарожнага майстра Брэсцкага аддзялення Беларускай чыгункі паступіла паведамленне аб тым, што пры правядзенні рамонту чыгуначнага палатна знойдзена металічная ёмістасць з падобным на ртуць рэчывам.
Прыбыўшы да месца выкліку, работнікі МНС знайшлі ёмістасць са ртуццю аб'ёмам 250 мл. Плошча разліву небяспечнага металу склала 0,05 кв. м.
Аддзяленнем хімічнай і радыяцыйнай абароны было сабрана каля 100 грамаў ртуці і праведзена дэмеркурызацыя.
Забруджання навакольнага асяроддзя не адбылося, пацярпелых няма. Ртуць канфіскаваная для часовага захоўвання.
Праверку па факце выяўлення ртуці праводзіць Маскоўскі РАУС Брэста.
0
0
0
0
0
0