Сустрэча кантактнай групы па ўрэгуляванні сітуацыі на ўсходзе Украіны запланавана ў Мінску на пятніцу, 1 жніўня.
Пра гэта паведаміла крыніца «Інтэрфакса» ў кантактнай групе па правядзенні кансультацый наконт мірнага ўрэгулявання на ўсходзе Украіны.
«Сустрэча запланавана на пятніцу. Гэта не будуць кансультацыі па мірным урэгуляванні.
Там мяркуецца абмеркаваць вельмі вузкае кола пытанняў. Хутчэй за ўсё, гэта можна назваць сустрэчай прадстаўнікоў самаабвешчаных рэспублік з украінскім бокам», — заявіла крыніца.
Па словах суразмоўцы, падчас сустрэчы трэба будзе абмеркаваць два пытанні.
«Першае з іх — абмен палоннымі, па-другое, відавочна, — гарантаванне бяспекі экспертаў, якія працуюць на месцы аварыі малайзійскага» Боінга», — заявіў суразмоўца агенцтва.
Ён таксама паведаміў, што сустрэча адбудзецца ва ўсечаным фармаце. «Мяркуецца, што колькасць удзельнікаў будзе значна менш, чым на кансультацыях, якія раней праводзілі ў Данецку. Ці возьме ўдзел у сустрэчы экс-прэзідэнт Украіны Леанід Кучма, пакуль невядома», — заявіла крыніца.
Пры гэтым дарадца пасольства РФ у Мінску Уладзімір Марчук паведаміў, што ў Мінск ужо адправіўся пасол Расіі ў Кіеве Міхаіл Зурабаў.
Ён прыбывае ў чацвер у Мінск для ўдзелу ў пасяджэнні кантактнай групы па ўрэгуляванні сітуацыі на ўсходзе Украіны.
«Сёння ў першай палове дня з Кіева ў Мінск прыляціць пасол Зурабаў. Пакуль няма інфармацыі пра дакладны час і месца правядзення гэтай сустрэчы», — заявіў Марчук.
«Сустрэча, хутчэй за ўсё, адбудзецца сёння ў Мінску», - дадаў суразмоўца агенцтва.
