Група вайскоўцаў 72-й матарызаванай брыгады была вымушаная адступіць на тэрыторыю Расійскай Федэрацыі з-за таго, што ў іх скончыліся патроны падчас бою з тэрарыстамі.
Пра гэта РБК-Украіна заявіў спікер прэс-цэнтра антытэрарыстычнай аперацыі на Данбасе Аляксей Дзмітрашкоўскі.
«Вайскоўцы 72-й брыгады падзяліліся на дзве часткі. Адна з іх прарвала кола тэрарыстаў, іншая частка ваеннаслужачых прыкрывала гэтых вайскоўцаў. Потым у адной з частак скончыліся патроны і харчы. Была пашкоджана ваенная тэхніка, якая знаходзілася на полі бою. Пасля гэтага склад быў вымушаны выехаць у раён пункта пропуску Расіі. Па апошніх дадзеных, вайскоўцы знаходзяцца на тэрыторыі Расіі. Колькасць вайскоўцаў удакладняецца», — заявіў Дзмітрашкоўскі.
Паводле яго слоў, да вайскоўцаў, якія прыкрывалі прарыванае кола тэрарыстаў, ужо прыбыла падмога.
Раней Федэральная служба бяспекі Расіі заявіла, што сёння больш за 400 украінскіх вайскоўцаў папрасілі прытулку ў РФ. Як там ўдакладнілі, украінскім вайскоўцам адкрылі гуманітарны калідор і прапусцілі іх у Расію.
